GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ukraynanın Trosyanets şəhəri Rusiya ordusu tərəfindən ələ keçirilib. Bu barədə Sum vilayəti dövlət administrasiyasının rəhbəri Dmitri Jivitski Teleqram kanalında məlumat yayıb.
Onun sözlərinə görə, rusiyalı hərbçilər təcili yardım stansiyasına nəzarət edir və uşaqlar üçün təcili hallar istisna olmaqla, həkimləri gələn çağırışlara getməyə icazə vermirlər.
Yeni qaydalara əməl etməyən tibbi işçilərini güllələyəcəkləri ilə hədələyiblər.
Kiyev ətrafında isə rus silahlı qüvvələri səhvən bir-biri ilə döyüşə girib.
Ukrayna hərbçilərinin sözlərinə görə, Severinivka yaxınlığında baş verən hadisə ilə bağlı məlumatı onlara yerli sakinlər verib.
Məlumata görə, səhvən bir-birinə qarşı döyüşən rus ordusunun 9 tankı və 4 zirehli transportyoru sıradan çıxıb. Ukrayna ordusunun məlumatına görə, bu hadisə onlara 13 “FGM-148 Javelin” tank əleyhinə raketə qənaət etməyə imkan verib.
