Təraxtur 1/8 final mərhələsində Şabab Əl-Əhli ilə qarşılaşacaq

GADTB: Asiya Elit Çempionlar Liqasının Qərb zonasının qrup mərhələsi başa çatdıqdan sonra 1/8 final mərhələsinin püşkü bəlli olub və Təraxtur Azərbaycan bu mərhələdə BƏƏ təmsilçisi Şabab Əl-Əhli ilə taleyüklü bir qarşılaşmada üz-üzə gəlməlidir.

Bu oyun BƏƏ təmsilçisinin heyətində Sərdar Azmunun yer alması səbəbilə mərhələnin ən cəlbedici qarşılaşmalarından birinə çevrilib. Türkmən əsilli hücumçu dəfələrlə Təraxtur Azərbaycan klubuna olan maraq və sevgisini dilə gətirmişdi, lakin indi fərqli bir yolda bu komandanın rəqibi kimi meydana çıxacaq.

Bu mərhələnin ilk və cavab oyunları 11–12 esfənd və 18–19 esfənd tarixlərində keçiriləcək. Təraxtur Asiyanın ən güclü səkkiz komandası sırasına yüksəlmək üçün mövsümün ən önəmli sınaqlarından birinə çıxacaq.