Tatarıstan Respublikası Rusiyanın təzyiqlərinə qarşı dayanmaqda davam edir

GADTB-nin Mətbuat Mərkəzinə daxil olan məlumata görə, Tatarıstan Dövlət Şurası “Rusiya subyektlərində ictimai hakimiyyətlərin ümumi prinsiplər əsasında təşkili haqqında” federal qanun layihəsini dəstəkləməyib.

Bu məlumatı TASS agentliyi yayıb. Dövlət Şurası qanun layihəsinin Rusiyanın konstitusiya quruluşunun əsaslarına zidd olduğunu bildirib.

Qeyd edək ki, qanun layihəsi Rusiya subyektlərinin rəhbərlərinin prezident olaraq adlandırılmasını qadağan edir. Tatarıstan indiyə qədər bu qanuna əməl etməyən yeganə regiondur. Belə ki, respublikanın rəhbəri hələ də prezident adlandırılır.