Terrorçu PKK-nın daha böyük qırğınlar törətmə cəhdləri ehtimal olunur

GADTB-nin Mətbuat Mərkəzinə daxil olan məlumata görə, kürd siyasətçi Qalib İlhanər xəbərdarlıq edib ki, ailələrin cəsur aksiyası PKK-nı küncə sıxıb. Anaların aksiyasını əngəlləmək, kürdləri həzm etmək üçün PKK böyük qırğınlar törədə bilər.
Diyarbəkirdə anaların HDP-nin binası önündə oturaq aksiya keçirməsinə Türkiyənin dörd bir yanından dəstək verildiyini deyən İlhanər ataların da meydana çıxmalı olduğunu söyləyib:
“PKK gündəmi dəyişdirmək üçün böyük qırğınlar törədə bilər. Bu aksiyanı Türkiyənin digər bölgələrinə də, hətta Avropanın paytaxtlarına da yaymaq lazımdır”.