“Traxtur”un baş direktoru: “Tədbir görülməsə məsələni FİFA-ya şikayət edəcəyik”

Güney Azərbaycanın milli futbol komandası “Traxtur”un baş direktoru Səid Müzəffərizadə “Perspolis” tərəfdarlarının irqçi və etnik şüarlar səsləndirməsi məsələsinə tədbir görülmədiyi təqdirdə FİFA-ya şikayət edəcəklərini açıqlayıb.

“Şikayətin Futbol Federasiyası vasitəsilə araşdırılması üçün bütün lazımi hüquqi addımları atdıq və bununla bağlı təcili və əsaslı tədbir görülməzsə, tam qətiyyətlə FİFA vasitəsilə məsələni araşdıracağıq”, – deyə, Səid Müzəffərizadə qeyd edib.

Müzəffarizade sözünə davam edərək deyib: “Hakimiyyətlərin stadionlarda irqi və etniklər əleyhinə şüarlarla birdəfəlik məşğul olmasının vaxtı çatıb”. Əgər onlar buna qadir deyillərsə, FİFA bununla bağlı tam gücə malikdir və bu problemi asanlıqla aradan qaldıra bilər.