Türk ordusu Afrində terrorçulara qarşı ardıcıl 3 əməliyyat həyata keçirdi

GADTB-nin Mətbuat Mərkəzinə daxil olan məlumata görə, Türkiyə Silahlı Qüvvələri Afrində təhlükəsizlik orqanlarına hücuma hazırlaşan terrorçuları zərərsizləşdirib.

Keçirilən əməliyyat zamanı bölgədəki 4 terrorçudan ikisi məhv edilib, bir nəfər isə ələ keçirilib.

Dindirilmə zamanı terrorçu yaxınlıqdakı ərazidə daha bir PKK-çı dəstənin olduğunu etiraf edib. Dərhal əməliyyat planı hazırlayan türk ordusu və ASO sözügedən dəstənin Racu yaxınlığında olduğunu müəyyən edib və dronların dəstəyi ilə əməliyyat başladılıb.

Əməliyyatlar zamanı ümumilikdə 11 terrorçu məhv edilib.