Türkiyə Yunanıstanın Türk F-16-larına S-300-lərlə hücumu ilə bağlı NATO-ya müraciət edəcək

GADTB-nin Mətbuat Mərkəzinə daxil olan məlumata görə, Yunanıstanın hava hücumundan müdafiə qüvvələrinin döyüş patrulları zamanı türk təyyarələrinə qarşı aktiv fəaliyyət göstərməsi ilə bağlı Türkiyə NATO-ya müraciət etmək niyyətindədir.

Bu barədə “Yeni Şafak” qəzeti təhlükəsizlik xidmətindəki yüksək vəzifəli mənbəyə istinadən məlumat yayıb.

Nəşr qeyd edir ki, Krit adasında yerləşən Rusiya istehsalı olan S-300 qurğuları F-16-ları üç kilometr yüksəklikdə ələ keçirib. Buna baxmayaraq, təyyarə “tapşırığı yerinə yetirib və təhlükəsiz şəkildə bazalarına qayıdıb”.

“Bütün bunlar həm ABŞ, həm də NATO ilə görüşlərdə müzakirə olunacaq”, – nəşr ölkənin təhlükəsizlik xidmətinin yüksək rütbəli rəsmisindən sitat gətirib.

Qəzet həmçinin qeyd edir ki, hadisə Rusiyadan S-400 hava hücumundan müdafiə sistemlərinin alınmasına görə Türkiyəyə qarşı sanksiyalar tətbiq edən, lakin Yunanıstanın S-300-dən istifadəsinə heç bir reaksiya verməyən ABŞ və Avropanın ikiüzlülüyünü ifşa edir

“Bizə S-400-ə görə sanksiya tətbiq olunur, lakin Yunanıstan S-300-dən fəal şəkildə istifadə edir. Bu məsələni gündəmə gətirəndə bizə S-300-dən “istifadə olunmur, anqarlarda saxlanılır, yalnız təlimlərdə istifadə olunur” dedilər. Amma məlum oldu ki, bu, həqiqət deyil. Bizə deyirlər ki, siz Rusiya istehsalı olan silahlardan istifadə edə bilməzsiniz, Yunanıstan Rusiya istehsalı sistemlərlə NATO üzvü olan ölkənin təyyarələrini təqib edir” – deyə hərbi mənbə bildirib.

Daha əvvəl bildirilmişdi ki, Yunanıstan Müdafiə Nazirliyi Türkiyənin F-16 qırıcılarına qarşı S-300 sistemindən istifadə edilməsi ilə bağlı Türkiyənin bəyanatını təkzib edib.