Güney Azərbaycanın Qaraqışlaq təbiət abidəsi beynəlxalq qeydiyyata alınacaq

GADTB: Güney Azərbaycanda Urmiya gölü su hövzəsində yerləşən Binab bölgəsinin məşhur Qaraqışlaq bataqlığı Ramsər Konvensiyasında qeydiyyata alınacaq.

Bununla bağlı yayılan məlumatda bildirilir ki, Şərqi və Qərbi Azərbaycan əyalətləri arasında yerləşən Qaraqışlaq bataqlığının bitki və heyvan mühitinin əhəmiyyəti, eləcə də ətraf mühit dəyəri nəzərə alınmaqla, bu unikal təbii abidənin beynəlxalq miqyasda qeydə alınması səyləri davam edir.

Ramsər Konvensiyasına beynəlxalq qeydiyyat və üzvlük sayəsində Qaraqışlaq Bataqlığının su vəziyyətinin qorunması, baxımı və sabitləşdirilməsi təmin ediləcək.

Qeyd edək ki, 22250 hektar sahəsi olan bataqlıq bitki və heyvan müxtəlifliyi, 153 növ quş növünün yaşadığı yer olması ilə tanınır.