GADTB Güney Azərbaycan Demokratik Türk Birliyi
GADTB: Avro-2024-ün dünən keçirilən Niderland – Türkiyə oyunu zamanı maraqlı hadisə yaşanıb.
Türkiyə Cümhuriyyətinin dövlət himnini tribunadakı minlərlə türk tərəfdar “Bozqurd” işarəsi göstərməklə oxuyub. Bununla onlar həm də millinin futbolçusu Merih Demirala UEFA tərəfindən verilmiş cəzaya etiraz ediblər.
Məlum olduğu kimi, Avstriya ilə 1/8 final oyununda 2 qol vuran Merih “Bozqurd” işarəsi göstərdiyinə görə 2 oyunluq cəzalanmış və Niderlandla vacib matçı buraxmaq məcburiyyətində qalmışdı. Qeyd edək ki, Türkiyə himni çalınarkən TV yayımının alman rejissorları tərəfdarları yaxın planda göstərməyiblər. Həmin görüntülər yalnız sonradan tərəfdarların özləri tərəfindən sosial mediada paylaşılıb.
