Türkiyə PKK terrorçularına qarşı “Ərən qış-24” əməliyyatına başladı

GADTB-nin Mətbuat Mərkəzinə daxil olan məlumata görə, Türkiyənin Siirt bölgəsində “Ərən qış-24 şəhid jandarma baş çavuş Ərkan Yalçın əməliyyatı” başladılıb.

Bu barədə Türkyənin Daxili İşlər Nazirliyi açıqlama yayıb.

Bildirilib ki, Siirtdə “axtar-tap-məhv et” taktikası ilə başladılan əməliyyatın məqsədi terrorçuları zərərsizləşdirmək, regionda sülh və təhlükəsizliyi möhkəmləndirməkdir.

Əməliyyatda jandarma və polis xüsusi təyinatlıları və mühafizə dəstələrindən ibarət 545 şəxsi heyət iştirak edir. Bildirilib ki, ölkədə terrorun kökünü kəsmək üçün həyata keçirilən “Ərən qış” ​​əməliyyatları xalqın dəstəyi ilə uğurla davam etdirilir.