GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi Urmiya gölünü qurudub və Azərbaycan mədənlərini talamaqla ekloloji fəlakətə səbəb olandan sonra, indi də Güney Azərbaycanın Muğan düzündə ekoloji fəlakətə səbəb olmaqdadır.
Bu barədə İranın Ekoloji Risk və Davamlı İnkişaf Assosiasiyasının üzvü Məhəmmədrza Məhbubfər xəbərdarlıq edib.
Məhbubfə deyib: “Muğan düzündə quraqlığın baş verməsi, Araz çayının suyunun quruması, bunun nəticəsində bölgədə məhsuldarlığın azalması, qida təminatının risklə üzləşməsi Ərdəbil əyalətindən başqa bölgələrə köçün çoxalmasına və ekoloji problemlə yanaşı demoqrafik problemində ortaya çıxmasına səbəb olub”.
O, Muğanın, özəlliklə Araz qırağının bölgənin turizm cəzbi üçün ən əlverişli yerlərdən biri olduğu halda quraqlıq və su qaynaqlarının yanlış idarə edilməsi səbəbindən məntəqənin çöllüyə çevrildiyini deyib.
Qeyd edək ki, İran rejimi Araz çayının suyunu qeyri-səmərəli istifadə etdiyi üçün əlverşli torpağa malik olan Muğan düzündə ekoloji fəlakətə səbəb olmaqdadır.
