GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiya gölü qurudulandan sonra duz qasırğaları Güney Azərbaycanı xarabaya çevirməkdədir. Dünəndən əsən güclü külək Urmiya gölü ətrafı bütün şəhərlərdə, o cümlədən Qoşaçay-Sayınqala istiqamətində, Əcəbşir-Binab istiqamətində və s. bölgələrdə kəskin duz qarşılığı olan tozlu küləklər müşahidə edilib.
Hələlik Qərbi və Şərqi Azərbaycan ərazilərində müşahidə edən dağıdıcı qasırğalar tədricən bütün əkin ərazilərini məhv edəcək və hətta həmin duz qasırğalarının Qəzvin və Əraka qədər gedib çata biləcəyi söylənilir. Ümumiyyətlə İran dövlətinin Urmiya gölünü qurutmaqla Güney Azərbaycan xarabaya çevirməsi nəticəsində artıq 14 milyondan çox insanın həyatı təhlükəyə düşüb.
Qeyd edək ki, Urmiya gölünü qurudan İran dövləti son on ildə gölün qurudulmasına etiraz etməklə diqqəti məsələyə yönəldən yüzlərlə azərbaycanlı fəalı həbs edib.
