GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Almaniyada yaşayan azərbaycanlı fəal Mehdi Kuxianın anası Firəngiz Fəthi və bacısı Əkrəm Kuxian həbs ediləndən sonra dünən müvəqqəti olaraq azadlığa buraxılıblar.
Məlumata görə, Mehdi Kuxian “Telegram” kanalında yazıb: “Anam və bacım bir neçə dəqiqə öncə buraxılıb, ancaq qardaşımın avtomobilini və ələ keçirilən elektron cihazları qaytarmayıblar”.
Qeyd edək ki, azərbaycanlı fəalın ailə üzvləri mayın 12-də molla rejimin ETTELAAT qüvvələri tərəfindən Məlik Kəndi (Məlikan) şəhərində həbs edilmişdilər. Rejimin məmurları qapı və pəncərəni sındırmaqla evə daxil olmuşdular.
