Xorasanda türklərin VIII ədəbi toplantısı keçirildi-Şəkil

GADTB-nin Mətbuat Mərkəzinə daxil olan məlumata görə, Xorasanın Cüvəyn şəhərində bu bölgənin türklərinin VIII ədəbi toplantısı keçirilib.

Cüvəyn şəhərinin İrşad İdarəsinin rəisi Məcid Niqabinin bildirdiyinə görə, toplantıda Məşhəd, Bocnurd, İsfərain, Nişabur, Cüvəyn və Cığatayın türk ədəbiyyatçıları və sənətçiləri iştirak edib.

O qeyd edib ki, toplantıda bir sıra yeni buraxılan türkcə kitablar, o cümlədən Ərğian məsəlləri, Xorasan türklərinin ədəbiyyatı və İlmaz izahlı lüğətinin təqdimatı keçirilib.

Məlumata görə Məşhəd, Bocnurd və Cüvəyn daimi bu toplantılara ev sahibliyi edəcəklər və hər ay toplantı keçirilməlidir.

Cüvəyn isə qədimliyi və türk musiqisinin inkişaf mərkəzi kimi bu toplantılarda böyük rol oynayır.