Ərdəbildə “Azərbaycan nə istəyir?” başlıqlı bildiriş vərəqələri paylandı

GADTB-nin Mətbuat Mərkəzinə daxil olan məlumata görə, yanvarın 16-da axşam saatlarında Günye Azərbaycanın Ərdəbil şəhərində “Azərbaycan nə istəyir?” başlığı ilə minlərlə bildiriş vərəqəsi paylanıb.

Azərbaycanlı fəallar tərəfindən paylanılan vərəqələrdə İran adlanan yerdə vəziyyət, Güney Azərbaycana qarşı ayrı-seçkilik və azərbaycanlıların istəyi məsələləri əks etdirilib.

Yayılan bildiriş vərəqələrində həmçinin həbsdə olan azərbaycanlı fəallar və qəhrəmanlarımıza da toxunularaq, Azərbaycanın qurtuluşunun birlikdən asılı olduğu vurğulanıb.

Vərəqələrdə qeyd edilib ki, Azərbaycan türk milləti bu həssas şəraitdə ayıq olmalı, vaxtı ilə türkləri repressiyaya məruz qoyan cərəyanların sözdə demokratiya şüarlarına inanmamalıdır.

Bildirişin bir hissəsində deyilir: “Azərbaycan türk milləti kimi haqlı tələblərimizin təmin olunması, Məşrutə dövrü, eləcə də ondan əvvəlki siyasi mövqeyimizə qayıtmaq üçün mütləq birlikdə olmalıyıq. Biz insani hüquqlarımızı əldə etmək üçün Abbas Lisani kimi azərbaycanlı milli-mədəni fəallara dəstək verib, milli və fərdi hüquqlarımızı dərk edərək sistemli şəkildə Azərbaycan Milli Hərəkatının qanuni və hüquqi tələbləri uğrunda hərəkət etməliyik”.

Həmçinin yoxlayın

Molla rejimi həbs eydiyi azərbaycanlı milli fəalın həyat yoldaşını da ETTELAAT İdarəsinə çağırdı

GADTB-nin Mətbuat Mərkəzinə daxil olan məlumata görə, irqçi fars-molla rejimi mayın 15-də Kərəc şəhərində həbs …

Türkiyənin Avropada ikinci güclü orduya malik olduğu açıqlamndı

GADTB-nin Mətbuat Mərkəzinə daxil olan məlumata görə, Türkiyə Ordusunun Avropada ikinci və NATO-da üçüncü ən …

Bir cavab yazın