GADTB-nin Mətbuat Mərkəzinə daxil olan məlumata görə, Bəşər Əsəd hakimiyyətdə qaldığı müddət ərzində Ankara Afrini Suriya hökumətinin nəzarətinə verməyəcək.
Axar.az xəbər verir ki, bunu jurnalistlərə açıqlamasında Türkiyə Xarici İşlər naziri Mövlud Çavuşoğlu deyib.
“Əsəd hakimiyyətdən getməlidir. Siyasi həll prosesinə keçmək lazımdır. Biz Suriya ərazisinə iddialı deyilik. Afrinin rejimə təhvil verilməsi istisnadır. Bu torpaq Suriya ərazisidir, amma bizim təhlükəsizliklə bağlı öz narahatlıqlarımız var.
Afrin əməliyyatı başlayanda biz Rusiya ilə əlaqədə idik. Sövdələşmədən heç bir söhbət gedə bilməz. Orada Rusiyanın müşahidəçiləri var və biz onlardan buranı tərk etmələrini istədik ki, heç bir neqativ insident yaşanmasın. Onlar da getdilər. Biz əməliyyatda həmçinin Suriyanın hava məkanından da istifadə etdik”, – deyə o bildirib.