Ərdəbil əyalətində kəndlilər etiraz aksiyası keçirib

GADTB-nin Mətbuat Mərkəzinə daxil olan məlumata görə, Qaratəpə və ətraf kəndlərin bir neçə sakini tələblərinin nəzərə alınmamasına etiraz olaraq Ərdəbil valiliyinin binası qarşısına toplaşıb.

Azərbaycanlı kəndilər üzərində “Vəd istəmirik, haqqımızı istəyirik” və “Hörmətli Qubernator, dəstək, dəstək” şüarları yazılmış plakatlar tutaraq etiraz ediblər.

Qeyd edək ki, kəndlilər uzun illərdir yol, su və başqa bu kimi problemlərin həll olunmamıç qaldığına, kənd təsərrüfatı sahəsində subsidiyaların ayırlmamasına, dövlətə verilən məhsullarının pullarını ala bilmədiklərinə etiraz ediblər.