Ərdəbildə rejimin həbs etdiyi azərbaycanlı jurnalist zaminə buraxılıb

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərin molla rejimin həbs etdiyi azərbaycanlı jurnalist girov qarşılığında zaminə buraxılıb.

Azərbaycanlı jurnalist və sosial media fəalı Sina Bəndəlizadə  girov müqabilində azad edilib. Hələlik ona qarşı irəli sürülən ittihamlarla bağlı heç bir məlumat yoxdur.

Jurnalist yanvarın 15-də tutulmuşdu.

Qeyd eək ki, Sina Bəndəlizadə bundan əvvəl Ərdəbildəki problemləri işqılandırdığı və məsulların fəaliyyətsizliyini tənqid edən yazılarla çıxış edib.

Azərbaycanlı jurnalist əvvəllər Germi və Biləsuvarda meydana gələn sel, Xoyda baş verən zəlzələ və təbii fəlakətdən əziyyət çəkən azərbaycanlıların acınacaqlı durumu ilə bağlı sosial media kanallarında pylaşımları ilə məşhurlaşıb.