GADTB Güney Azərbaycan Demokratik Türk Birliyi
GADTB: Ərdəbil sakini, 25 yaşlı Milad Səbri təxminən 28 gün əvvəl molla rejimin qüvvələri tərəfindən saxlanılıb. Həmin vaxtdan bəri onun saxlanıldığı yer, səhhəti və hüquqi vəziyyəti ilə bağlı hər hansı aydın məlumat açıqlanmayıb. Bildirilir ki, yalnız ailəsi ilə qısa bir telefon əlaqəsi yaradılıb və bundan sonra onunla əlaqə tamamilə kəsilib.
Bu vətəndaşın taleyi ilə bağlı davam edən məlumatsızlıq onun əsas hüquqlarının pozulması ehtimalı barədə ciddi narahatlıqlar doğurur. İnsan hüquqları standartlarına əsasən, saxlanılan hər bir şəxs hüquqi vəziyyəti haqqında məlumat almaq, vəkilə çıxış və ailəsi ilə əlaqə saxlamaq hüququna malikdir.
