Təbrizdə “Polynar” neft-kimya zavodunun işçiləri aksiya keçirib

GADTB-nin Mətbuat Mərkəzinə daxil olan məlumata görə, Təbrizin “Polynar” neft-kimya şirkətinin işçiləri fəaliyyətilərni dayandıraraq iş yerlərində etiraz aksiyası keçiriblər.

Azad İşçilər Birliyi məlumatına görə, narazı işçilər əmək haqlarının az olması, vaxtında ödənilməməsi və iş təhlükəsizliklərinin olmamasına etiraz edirlər.

Tətilin 3 gün əvəl başlamasına baxmayaraq, şirkət rəhbərliyi və başqa əlaqədar məsullar işçilərlə görüşməyiblər.

İşçilər tələblərinin yerinə yetirilmədiyi təqdirdə tətil aksiyasını davam etdirəcəklərini bildiriblər.