GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən BMT-nin İranda insan haqlarının vəziyyəti üzrə xüsusi məruzəçisi May Sato Baş Assambleyasının İnsan Haqları Komitəsinə İranla bağlı ilkin hesabatını təqdim edib.
BMT-nin İran üzrə xüsusi məruzəçisinin sözlərinə görə, ötən ilin avqustunda öz missiyasına başladıqdan sonra İranda edamlar xeyli artıb və İran hökuməti tərəfindən müxtəlif ittihamlarla, o cümlədən narkotik maddələrin qanunsuz dövriyyəsi ilə bağlı 140-dan çox insan asılıb.
“İranda qadın və qızların da vəziyyəti pisləşib. İran dünyada qadınlara qarşı ayrı-seçkiliyin aradan qaldırılması haqqında Konvensiyanı imzalamayan nadir ölkələrdəndir”, – deyə, May Sato vurğulayıb.
BMT rəsmisi İrana səfər etmək istədiyini, ancaq hökumətin onun istəyinə cavab vermədiyini də qeyd edib.
