Avstraliya parlamenti SEPAH-ı terror təşkilatı kimi tanımağa icazə verən qanunu qəbul edib

GADTB: Bu gün Avstraliya parlamenti, hökumətə xarici dövlət qurumlarını və ya onların üzvlərini terrorçuluğa dəstək verdikləri təqdirdə terror qruplaşması kimi müəyyən etməyə icazə verən qanun layihəsini qəbul edib. Qanun, SEPAH-ın Avstraliyada törədilən terror hücumlarında rolunun aşkar edilməsindən sonra hazırlanıb.

Qanun layihəsi “Cinayət Qanununa Dəyişiklik: Terrorizmin Dövlət Sponsorları 2025” adı ilə Senatda səs çoxluğu ilə qəbul edilib. Avstraliya Kəşfiyyat və Təhlükəsizlik Agentliyi (ASIO) SEPAH-ın Avstraliyada ən azı iki terror hücumunda iştirakını dəyərləndirib.

Qanuna əsasən, Avstraliya Federal Polisi, xarici dövlət qurumlarının və ya onların üzvlərinin Avstraliyaya qarşı terror aktları törətməkdə və ya dəstəkləməkdə iştirakını müəyyən edərsə, onları terrorun sponsorları siyahısına əlavə edə bilər. /Azad İran