GADTB Güney Azərbaycan Demokratik Türk Birliyi
GADTB: Evin həbsxanasında saxlanılan fəal “Salar Tahirəfşar”ın bacısı, “Sevda Tahirəfşar” “Instagram”da paylaşdığı bir videoda ailə evinə naməlum şəxslərin hücumu və 110 polisinin biganəliyi ilə bağlı narahatlığını ifadə edib.
Onun sözlərinə görə, 1404-cü ilin 10 aban tarixində anası ilə birlikdə evə qayıtdıqları zaman bir neçə naməlum şəxsin evə daxil olaraq dağıntı törətdiyini görüblər. Gizli kameraların görüntülərinə əsasən hücum edən 5–6 nəfər arasında “Y.A.” adlı bir şəxs ilkin olaraq tanınıb. Buna baxmayaraq, hadisədən 20 gün keçməsinə rəğmən, işin araşdırılmasında heç bir irəliləyiş qeydə alınmayıb.
Sevda Tahirəfşar əlavə edib ki, son iki ay ərzində o və anası müxtəlif formalarda təhqir, hədə-qorxu və fiziki təzyiqlərlə üzləşiblər. Hər dəfə məsələ 110 polisinə bildirilsə də, şikayətlər nəticəsiz qalıb.
O, müraciətinin sonunda rəsmilərdən və müvafiq orqanlardan vətəndaşların təhlükəsizliyinə, xüsusilə psixoloji təzyiq və təhdid altında yaşayan ailələrin qorunmasına ciddi yanaşmalarını tələb edib.
