Beynəlxalq Əfv Təşkilatı İranda siyasi fəalların edam edilməsini pisləyib

GADTB: Beynəlxalq Əfv Təşkilatı İranda siyasi fəal və etiraz aksiyalarında iştirak edənlərin edam edilməsini pisləyib və ölüm hökmlərinin ədalətsiz məhkəmələrdə çıxarıldığını bildirib.

Təşkilat bununla bağlı bəyanat yayıb. Təşkilat həmçinin xəbərdarlıq edib ki, onlarla etirazçı, siyasi müxalifətçi və digər məhbus hələ də ölüm hökmü təhlükəsi altındadır və istənilən vaxt edam edilə bilər.

Beynəlxalq Əfv Təşkilatı fevralın 28-dən buyana ən azı 41 etirazçının edam hökmünün icra olunmasını bildirərək, Tehran rejiminin bu vasitədən narazıları və siyasi fəalları qorxutmaq, etirazçıları susdurmaq üçün istifadə etdiyini vurğulayıb.