GADTB Güney Azərbaycan Demokratik Türk Birliyi
GADTB: İran İslam Respublikası Yəməndəki husilərə hərbi, kəşfiyyat və əməliyyat dəstəyini artırıb. Tehran Səudiyyə Ərəbistanına və Yəmən hökumətinə bağlı qüvvələrə qarşı bəzi raket və pilotsuz uçuş aparatı hücumlarının hədəflərinin müəyyənləşdirilməsində də rol oynayıb.
“The Wall Street Journal” qəzetinin məlumatına görə, Səudiyyə Ərəbistanının təhlükəsizlik məlumatları və husilərə qarşı koalisiyanın fəaliyyəti barədə məlumatlı mənbələr bu dəstəyin kəşfiyyat məlumatlarının ötürülməsini, hərbi təlimləri, taktiki məsləhətləri və hədəflərin seçilməsinə köməyi əhatə etdiyini bildiriblər. Husilərə qarşı çıxan bir rəsmi də SEPAH zabitlərinin ön cəbhədə olduğunu, pilotsuz uçuş aparatları və raket hücumlarının yönləndirilməsində iştirak etdiyini iddia edib.
Bu məlumat husilərin son həftələrdə Yəmən qüvvələrinin mövqelərinə və Səudiyyə Ərəbistanındakı hədəflərə qarşı hücumlarını artırdığı bir vaxtda yayılıb. Tehran və husilər isə əvvəllər əməliyyatların birbaşa koordinasiya edildiyi barədə iddiaları təkzib ediblər.
