İşğalçı fars rejim Güney Azərbaycanda xanım sənətçiləri daha da məhdudlaşdırır

GADTB-nin Mətbuat Mərkəzinin əldə etdiyi məlumata görə, işğalçı fars rejimin Təbrizdə yerləşən Əmakin adlanan Ümumi Məkanlara Nəzarət İdarəsi azərbaycanlı aktrisalara ər və ya atalarının icazəsi olmadan səhnəyə çıxmağı qadağan edib.

Azərbaycanlı yazıçı və rejissor Əli Purian öz İnstaqram səhifəsində bu barədə məlumat yayıb.

O yazıb: “Ümumi Məkanlara Nəzarət İdarəsi tamaşaların nümayişinə icazə verməsi üçün yeni şərt irəli sürüb. Qərara əsasən, aktrisaların səhnəyə çıxması üçün ər və ya atalarının yazılı şəkildə razılığı olmalıdır, əks halda onlar tamaşada rol ala bilməz”.

Bu qərara görə ötən cümə Təbrizdə qadın aşıqların konserti hökumət orqanları tərəfindən ləğv edilib.