Təbrizdə “Süngün Mis” futzal komandasının qələbə şənliyi

GADTB-nin Mətbuat Mərkəzinin yaydığı məlumata görə, Vərziğanın “Süngün Mis” futzal komandası, futzal super liqa yarışlarında qəhrəman olub. Güney Azərbaycanın həmin komandası çərşənbə günü Sarinin “Şəhrvənd” komandasını super liqa yarışlarının 26-cı həftəsində Təbrizin Purşərifi stadionunda məğlub etdikdən sonra super liqanın qəhrəmanı olub.

Öz rəqibini 4-0 hesabı ilə məğlub edən “Süngün Mis” futzal komandası 65 xalla turnir cədvəlinin 1-ci pilləsinə qalxıb.

Güney Azərbaycanın həmin komandasının qələbəsi və çempion olması Güney Azərbaycanda böyük coşqu ilə qarşılaşıb. “Süngün Mis” komandasının tərəfdarları şənlik edib öz sevinclərini paylaşıblar.