GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə televiziyalarından birində yayımlanan “Akıncı” sənədli filmində Türkiyənin pilotsuz təyyarələri ilə bağlı maraqlı faktlar açıqlanıb.
Filmdə Türkiyənin PUA-larla (türkcədə: SİHA, İHA) bağlı planları, gələcəkdə yaradılacaq modellərdən bəhs edilib.
Bildirilib ki, bu günə kimi yaradılan PUA-lar aparılan daxili və xarici əməliyyatlarda böyük uğur qazanıb.
Hətta deyilib ki, türk PUA-ları Rusiyanın qabaqcıl havadan müdafiə sistemini (hansı sistem olduğu açıqlanmır) də məhv etməyi bacarıb.
Məlumata görə, hazırda qardaş ölkənin ən böyük pilotsuz təyyarəsi hesab edilən “Akıncı” üzərində çalışmalar davam etdirilir.
Qeyd edək ki, “Akıncı” sənədli filmi sosial şəbəkə istifadəçilərinin böyük marağına səbəb olub.
