Cümə , Noyabr 20 2026
azfa

Rejimin həbs etdiyi Cavad Ruhinəjad Qoşaçay zindanına köçürüldü

GADTB-nin Mətbuat Mərkəzinə daxil olan məlumata görə, irqçi fars rejimin avqustun 4-də Sayınqala (Şahindej) şəhərində yaxaladığı azərbaycanlı milli fəal Cavad Ruhinəjad Qoşaçayın zindanına köçürülüb.

Rejimin ETTELAAT İdarəsi Caqvad Ruhinəjadın mülki vəsiqə qarşılığında zaminə buraxılmasına hələlik icazə verməyib.

Qeyd edək ki, rejimin məmurları tar müəllimi olan milli fəalı iş yerində həbs etdikdən sonra onun evində, eləcə də atası və qayınatasının evində axtarış aparıblar. Rejimin Təhlükəsizlik qüvvələri Ruhinəjada məxsus bir çox şəxsi əşyanı, o cümlədən mobil telefonu, kompüter, kitablar və yaddaş kartlarını özləri müsadirə ediblər.

Rejimin türk milli fəalı hansı səbəbdən yaxaladığı barədə heç bir məlumat verməyib.

Bəzi məlumatlara əsasən, Sayınqala məhkəməsi tərəfindən Ruhinəjadın zaminə buraxılması üçün 200 milyon tümənlik vəsiqə qəbul edilsə də, rejimin Sayınqaladakı ETTELAAT İdarəsi bu qərara qarşı çıxaraq, fəalın ilk məhkəmə iclasına qədər (saxlandıqdan 15 gün sonra) həbsdə qalacağını bildirib.

Ruhinəjad Təbrizin “Şəhid Mədəni” Universitetində ərəb dili və ədəbiyyatı ixtisasından məzun olub. O, daha sonra Soyuqbulaq Universitetində türkcə-ərəbcə tətbiqi ədəbiyyat ixtisası üzrə təhsilini magistratura pilləsində davam etdirib.

Cavad Ruhinəjad Sayınqala və Tikantəpə şəhərlərində Azərbaycan tarı üzrə çox sayda tələbə yetişdirib.

Həmçinin yoxlayın

Mustafa Cəmilov: Krım Muxtar Respublikasının yaradılması üçün Ukraynanın razılığı ilə hazırlıq işləri başa çatıb

GADTB: Krım tatar türklərinin milli lideri Mustafa Cəmilov “Krım Muxtar Respublikasının” yaradılması üçün hazırlıq işlərinin …

İki təyyarədaşıyan gəmi və 12-dən çox hərbi gəmi ilə İrana qarşı təzyiq və dəniz blokadası davam edir

GADTB: Corc Vaşinqton təyyarədaşıyan gəmisinin Yaxın Şərqdən çıxmasına baxmayaraq, ABŞ iki təyyarədaşıyan gəmi və 12-dən …

Bir cavab yazın