GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı fəalların və ümumiyyətlə əhalinin sosial şəbəkələrdə etirazından sonra Güney Azərbaycanın Urmiya şəhərində “Durnalar yuvası” stadionunun türkcə lövhəsi geri qaytarılıb.
Azərbaycanlıların geniş etirazı yerli məsulları üzərində türkcə “Durnalar yuvasına xoş gəlibsiniz” yazılan lövhəni yenidən stadiona qaytarmağa məcbur edib.
Bir müddət öncə həmin lövhə stadionun girəcəyindən sökülərək onun yerinə farsca lövhə asılmışdı.
Üzərinə türkcə “Sən çağırsan gələrəm mən” cümləsi də əlavə olunan yeni lövhə stadionun içərisinə quraşdırılıb. Rejimə bağlı olan məsullar lövhənin küncünə İran bayrağını da əlavə ediblər.
Yeni lövhənin Urmiyanın “Şəhrdari” voleybol komandasının təşəbbüsü ilə hazırlandığı bildirilir.
