GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Almaniyanın təhlükəsizlik mənbələrinin hesabatına görə, İran raket və nüvə proqramlarında istifadə olunacaq qanunsuz texnologiya almaqla nüvə razılaşmasının şərtlərini pozub.
Hesabatda bildirilir ki, İran qanunsuz şəkildə və 2015-ci il nüvə anlaşmasının müddəalarına zidd olaraq, İran əsilli Almaniya vətəndaşı vasitəsilə təxminən 1 milyon avro məbləğində texnologiya alıb.
Bu hesabat Vaşinqtonda yerləşən Elm və Beynəlxalq Təhlükəsizlik İnstitutunun 2021-ci ilin sentyabrında apardığı təhlilin düzgünlüyünü təsdiqləyir. Belə ki, həmin təhlildə Almaniya-İran vətəndaşı “Aleksandr J”nin adından bəhs olunur.
Sözügedən institutun araşdırma yazısında qeyd olunub ki, “Aleksandr J” ilə bağlı dosye İranın raket və nüvə proqramları üçün lazım olan maddələri əldə etmək məqsədilə ticarətə nəzarət qanunlarını və digər ölkələrin sanksiyalarını pozmaq üzrə davamlı səylər göstərdiyindən xəbər verir.
