GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin məmurları Onun azərbaycanlı milli fəal Behnam Zareini həbs edib.
Güney Azərbaycan Vərziğan bölgəsindən olan və Təbriz Universitetində nəşr olunan “Ərk” nəşrinin baş redaktoru olmuş azərbaycanlı milli-mədəni fəal Behnam Zarei iyulun 9-da Vərziğanın Köhnəli kəndində yerləşən şəxsi evində həbs olunub.
Azərbaycanlı milli fəalın mobil telefon, kompüter və başqa şəxsi əşyalarının da rejimin məmurları tətəfindən müsadirə edildiyi bildirilir.
Behnam Zareinin yaxalandıqdan sonra Əhər şəhərinə aparıldığı deyilir.
Azərbaycanlı fəalın nədə ittiham olunduğu barədə onun yaxınlarına heç bir məlumat verilməyib.
Qeyd edək ki, Behnam Zarei kənd təsərrüfatı üzrə bakalavr mərhələsində təhsilini bitirib və siyasi elmlər üzrə magistratura mərhələsində isə təhsilini dayandırmışdır.
