Keçmiş validən etiraf:”İran qəsdən Azərbaycanda sərmayə yatırmır-Video

GADTB-nin Mətbuat Mərkəzinə daxil olan məlumata görə, Şərqi Azərbaycan əyalətinin keçmiş valisi Məhəmmədəli Sübhanullahi Əliəkbər Vilayətinin sözlərinə toxunaraq İranın qəsdən Güney Azərbaycanda sərmaye yatırmadığını etiraf edib.

Sübhanullahinin İranın Azərbaycan bölgələrinə yad münasibəti və ayrı-seçkiliyi barədə etdiyi çıxışı sosial şəbəkələrdə geniş yayılıb.

Sübhanullahi etiraf edərək deyib ki, Şərqi Azərbaycan əyalətinə önəmli sərmayə qoyulmayıb və bura başqa bölgələrə nisbətən ayrı-seçkiliklə üzləşib.  O həmçinin bu günədək əldə edilən uğurların yalnız Azərbaycanın özünün qazandığını, bunun mərkəzə aidiyyatı olmadığını deyib.

Sübhanullahi həmçinin deyib: “Bir vaxtlar Təbrizdə 10 xarici ölkənin baş konsulluğu var idi. Bu gün bu say ikiyə enib”.

Qeyd edək ki, İranın rəhbəri Əli Xaməneyinin indiki baş müşaviri, keçmiş xarici işlər naziri Əliəkbər Vilayəti Azərbaycan bölgələrinə sərmayə qoyuluşunun yanlış olduğunu bildirmişdi. O demişdi ki, onsuz da Azərbaycan gec-tez İrandan ayrılacaq.