İranın Araz qırağında hərbi texnikası qəza törətdi

GADTB-nin Mətbuat Mərkəzinə daxil olan məlumata görə, İranın Araz qırağına topladığı hərbi texnika qəzaya səbəb olub.

Sepah-ın hərbi təlimlər üçün Azərbaycan Respublikası ilə sərhədə cəmləşdirdiyi hərbi texnika bir neçə qəzanın yaranmasına səbəb olub.

Azərbaycanlı fəalların bildirdiyinə görə son 4 gündə İranın terrorçu Sepah-ına məxsus texnika bir neçə nəfərin ölümünə səbəb olub.

Bu gün səhər saatlarında Araz qırağında artilleriya qurğularını daşıyan Sepah-a məxsus hərbi maşın yük maşınını yoldan çıxarıb. Nəticədə ağır qəza baş verib.

Yük maşını yoldan çıxdığı üçün əks istiqamətdən gələn minik avtomobili ilə toqquşub və iki nəfər yerindəcə həlak olub.

Qəzanı Şərqi Azərbaycan əyalətinin Təcili Yardım Mərkəzinin sözçüsü Vəhid Şadiniya da mediaya verdiyi açıqlamada təsdiqləyib.