GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı milli fəallar Azərbaycanla həmrəylik və “Tək millət, tək bayraq” çağırışının davamı olaraq, Azərbaycan bayrağının Azad İslam Universitetinin Tehranın şimalında yerləşən filialının önündəki yerüstü keçidin üzərinə bağlayaraq dalğalandırıblar.
Azərbaycanlı fəalların hazırlayaraq nümayiş etdirdiyi bayrağın üzərində “Tək millət, tək bayraq, tək vətən və biz Azərbaycanın özüyük” yazılıb.
Qeyd edək ki, son günlər İranın Azərbaycan Respublikasına qarşı təhdid mesajları verməsi və açıq şəkildə Ermənistanı dəstəkləyib, Azərbaycanı hədələməsi Azərbaycan türklərinin Cənubi Azərbaycanda ciddi təpkisi ilə qarşılaşıb.
Güney Azərbaycanın müxtəlif şəhərlərində azərbaycanlı fəallar belə aksiyalar keçirməklə Azərbaycanla həmrəyliknümayiş etdirirlər.
