Molla rejimi İlkin adına görə azərbaycanlı körpəyə doğum şəhadətnaməsi vermir

GADTB-nin Mətbuat Mərkəzinə daxil olan məlumata görə, irqçi fars-molla rejimi İlkin adına görə azərbaycanlı körpəyə doğum şəhadətnaməsi vermir.

Rejimin Təbrizdə yerləşən İran Vətəndaş Vəziyyətlərinin Qeydiyyat İdarəsi azərbaycanlı körpə İlkin Hüseyni Muqadam üçün doğum haqqında şəhadətnamənin verilməsinə qarşı çıxıb.

Azərbaycanlı fəal və İlkinin atası Babək Hüseyni Muqadam öz Twitter səhifəsində türkcə və farsca yazıb:

“Övladım İlkinin doğum haqqında şəhadətnaməsini almaq üçün Vətəndaş Vəziyyətlərinin Qeydiyyat İdarəsinə getdim. Onlar mənə dedilər ki, İlkin türk adıdır və Vətəndaşlıq Qeydiyyatı Təşkilatının təsdiq etdiyi adlar siyahısında yoxdur. Övladıma İlkin adı vermək mənim hüquqi və təbii haqqımdır və sona qədər İlkini qeydiyyatdan keçirməyə çalışacağam”.

Qeyd edək ki, irqçi fars-molla rejimi Güney Azərbaycanda Azərbaycan Türk Millətini bir millət kimi assimilyasiyaya uğradıb məhv etmək məqsədilə onlara öz övladlarına türk dilində ad qoymağı qadağan edib.