Urmiya gölünün və onun 400 kilometr uzunluğunda duz tozunun quruması ilə bağlı xəbərdarlıq: “Təbrizi boşaltmalıyıq”

GADTB: İranın Ətraf Mühitin Mühafizəsi Təşkilatının keçmiş rəhbəri İsa Kələntəri ölkənin şimal-qərbində Urmiya gölünün qurumasının sosial və iqtisadi nəticələri barədə növbəti dəfə xəbərdarlıq edib və bildirib ki, göl quruyarsa Təbriz və ətraf şəhərlərdən 4 milyon insan təxliyə edilməlidir.

Kələntəri Urmiya gölünün quruyacağı halda yaranan duz tozunun 400 kilometrə qədər uzanacağını bildirib: Urmiya gölü quruyarsa Təbrizlilər zamanla bu şəhəri boşaltmalıdırlar”

Qeyd edək ki, ekspertlər ötən ilin avqustunda Urmiya gölünün səthinin 95%-nin quruması ilə bağlı xəbərdarlıq edib.

Urmiya gölü İranda məhv edilən yeganə ekosistem deyil və ekspertlər, Ətraf Mühit Təşkilatının rəsmiləri ölkə boyu bataqlıqların quruması ilə bağlı da xəbərdarlıq ediblər.