GADTB Güney Azərbaycan Demokratik Türk Birliyi
GADTB: ABŞ prezidenti Donald Tramp Senatda müharibənin dayandırılması ilə bağlı layihənin qəbul edilməsinə münasibət bildirərək Truth Social platformasında paylaşım edib.
Tramp yazıb: “Mən İranı elə bir vəziyyətə gətirmişəm ki, təslim olmağa hazırdır və faktiki olaraq bizə hər şeyi verməyə razıdır.”
O əlavə edib: “Onilliklər ərzində ilk dəfədir ki, İran ABŞ-a və onun prezidentinə, yəni mənə böyük hörmət göstərir.”
Tramp daha sonra bildirib ki, dörd respublikaçı senator demokratlarla birlikdə layihənin lehinə səs verib və bunun İran tərəfinin də diqqətini çəkdiyini qeyd edib: “Dörd məğlub respublikaçı demokratlarla birlikdə səs verdi və İran bizim nümayəndələrimizdən soruşdu ki, bu səsvermə nə deməkdir.”
ABŞ prezidenti həmin senatorların onun işini çətinləşdirdiyini söyləsə də, prosesin nəticəyə çatacağını vurğulayıb: “Bu senatorlar mənim işimi daha çətinləşdiriblər, amma hər halda bu məsələni sona çatdıracağam, çünki mən həmişə işi tamamlayıram.”
