GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, Güney Azərbaycanın Təbriz şəhərində Urmiya gölünün qurudulmasına etiraz olaraq küçələrə posterlər yapışdırıldı.
İyulun 21-də bir qrup azərbaycanlı milli-mədəni fəal Təbrizdə küçələrə Urmiya gölü mövzusunda çap edilmış çox sayda posterlər yapışdırıblar.
Posterlərdə Urmiya gölü fotosunun üzərində “Millət oyan, amandı”, “İran Azərbaycan sərvətlərini udan bir çöllükdür, nə özü abadlaşır, nə də Azərbaycanı abad edir”, “#Urmu_gölü_can_verir” və s. şüarlar yazılıb.
Qeyd edək ki, molla rejiminin Güney Azərbaycanda törətdiyi ekoloji fəlakətlə bağlı ictimaiyyəti məlumatlandırmaq və Urmiya gölünün acınacaqlı durumunu vətəndaşların və beynəlxalq ictimaiyyətin diqqətinə çatdırmaq məqsədilə “#Urmu_Araz_Üçün_Birlik” həştəqi altında kampaniyaya start verilib.
Bununla yanaşı müxtəlif aksiyalarla da rejimin Urmiya gölünü qurutmasına qarşı etirazlar baş verir.
