Molla rejimi həmədanlı tələbələri hicaba görə cəzalandırdı

GADTB-nin Mətbuat Mərkəzinə daxil olan məlumata görə, irqçi fars-molla rejimi məcburi hicab qaydalarını pozanlara qarşı sərt cəza tədbirlərinin tətbiqi çərçivəsində həmədanlı qız tələbələri qanunla nəzərdə tutulmuş hüquqlarından məhrum ediblər.

Tələbə Həmkarlar İttifaqı Şuralarının yaydığı məlumata görə, Həmədan şəhərinin İbn Sina Universitetinin 200 qız tələbəsi məcburi hicab qaydalarını pozduqlarına görə yataqxanadan çıxarılıb.

Universitet rəhbərliyi qız tələbələrin geyim tərzlərinə görə yataqxanadan qovulduqlarını təsdiqləyib.

Tələbə qızların sözlərinə görə, yataqxana məsulları onlardan yataqxana ilə təmin olunmaq üçün öhdəlik imzalamağı tələb ediblər.