Türkmən fəal helikoper qəzası barədə paylaşımına görə həbs edilib

GADTB: Quçan şəhərində yaşayan sosial media fəalı Rza Bəbrnejad həbs edilib.

Bu gün səhər saatlarında təhlükəsizlik məmurları türkmən fəalın yaşadığı evə basqın edərək onu özləri ilə aparıblar.

Rza Bəbrnejad İbrahim Rəisinin olduğu helikopterin qəzaya uğraması barəsindəki paylaşımına görə saxlanılıb.

Rza Bəbrnejadın qardaşı Mehdi Bəbrnejad 2022-ci ilin sentyabr ayında başlayan etiraz aksiyaları zamanı polislər tərəfindən güllələnərək öldürülüb.

Onun özü isə dinc fəaliyyətlərinə görə bir neçə dəfə təqib və təzyiqlərə məruz qalıb.

Qeyd edək ki, helikopter qəzasından sonra İran Polis Komandanlığı media və sosial media fəallarına xəbərdarlıq müraciəti yayıb./ Azad İran