GADTB-nin Mətbuat Mərkəzinə daxil olan məlumata görə, dünən Güney Azərbaycanın Təbriz, Urmiya, Bicar və s. şəhərlərində rabitə sahəsində çalışmış narazı təqaüdçülər etiraz aksiyası keçiriblər.
Təbrizdə etirazçılar İranın Rabitə Nazirliyinin binası qarşısına toplaşaraq etiraz aksiyası keçiriblər.
Məlumata görə, təqaüdçülər ağır yaşayış şəraitinə və pensiyalarının vaxtında ödənilməməsinə etiraz ediblər.
Təqaüdçülər etirazlarını nümayiş etdirmək üçün “Təqaüdə çıxmış rabitə işçilərinə qarşı neçə illik zülmə son qoyun!”, “Təqaüdçülərlə bağlı konstitusiya tələblərini yerinə yetirin!” yazılı plakatlar da qaldırıblar.