Abdullah Səduqi İranın Ermənistana yardımına etiraz etdiyi üçün həbsə məhkum edildi

GADTB-nin Mətbuat Mərkəzinə daxil olan məlumata görə, İran rejiminin Təbrizdəki, İnqilab Məhkəməsinin 3-cü şöbəsi azərbaycanlı fəal Abdullah Səduqini 3 il 6 ay həbs cəzasına məhkum edib.

Bundan öncə isə azərbaycanlı fəal həmin məhkəmədə “Müxalif təşkilatlara qoşulmaq və hökumətə qarşı təbliğat”da ittiham olunaraq 6 il həbs cəzasına məhkum edilmişdi.

Azərbaycanlı milli fəalın apellyasiya şikayətindən sonra məhkəmə fəalın həbs müddətini 3 il 6 aya endirib.

Qeyd edək ki, Abdullah Səduqi 2020-ci il sentyabrın 23-də rejimin təhlükəsizlik məmurlarının məhkəmə qərarı olmadan fəalın ata evinə hücumi ilə yaxalanmışdı. Fəal yaxalanandan sonra ETTELAAT İdarəsinin təcridxanasına köçürülmüşdür.

Oktyabrın 23-də isə azərbaycanlı milli fəal təcridxanadan rejimin Təbrizdəki zindanına köçürülüb və 37 gündən sonra 700 milyon tümənlik girov qarşılığında zaminə buraxılmışdır.

Abdullah Səduqi bundan öncə dinc və mədəni fəaliyyətlərinə görə həbs olunub.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …