GADTB Güney Azərbaycan Demokratik Türk Birliyi
GADTB-nin Mətbuat Mərkəzinin “Apa” Xəbər Agentliyinə istinadən yaydığı məlumata görə, bu barədə Pentaqonun rəsmi nümayəndəsi Robert Menninq açıqlama verib. Onun sözlərinə görə, ABŞ müdafiə nazirliyi terrorçu kürd döyüşçülərdən ibarət “Suriya Demokratik Qüvvələri”ni silahlandırmaqda davam edir.
Robert Menninq deyib ki, Pentaqon hazırda kürd dəstələrinə hərbi dəstəyin göstərilməsində prioritetlərin dəyişməsi mümkünlüyünü nəzərdən keçirir. “Əsas odur ki, İŞİD silahlıları Suriya ərazisinə dönə bilməsin”.
Qeyd edək ki, noyabrın 24-də Türkiyənin xarici işlər naziri Mövlüd Çavuşoğlu bildirmişdir ki, ABŞ prezidenti Donald Tramp türkiyəli həmkarı Rəcəb Tayyib Ərdoğanla telefon danışığı zamanı bundan sonra Suriyadakı kürd qruplaşmalarına silah verməyəcəklərini bəyan etmişdi.
