GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ tatarların əzəli yurdu Krımın işğalına görə diktatorların himayədarı Rusiyaya qarşı sanksiyaları genişləndirib. Bu barədə ABŞ Maliyyə Nazirliyinin məlumatında açıqlama verilib.
Məlumata əsasən, yeni məhdudlaşdırıcı tədbirlərin Ukraynadakı vəziyyətlə əlaqədar olduğu qeyd olunub. Sanksiya siyahısına 21 Rusiya və Ukrayna vətəndaşı və 21 şirkət əlavə edilib.
Rusiya XİN isə yaydığı bəyanatda bildirlir ki, ABŞ hökuməti Moskvaya qarşı sanksiyaların genişləndirilməsi, Rusiya ilə iqtisadi və digər əlaqələri qırmağı düşünürsə, bu onların haqqıdır. Rusiya tərəfi cavab vermək hüququnu özündə saxlayır.
“Vaşinqtonda illüziyalardan xilas ola bilmirlər ki, Rusiyanı vizaların ləğvi, ticarət qadağaları ilə qorxutmaq, beynəlxalq arenada müstəqil kurs yeritmək və özünün milli maraqlarını qorumaqdan çəkindirmək qeyr-mümkündür. Mənasız sanksiyalar kampaniyası isə yalnız ABŞ biznesi üçün maliyyə itkisinə çevriləcək”, bəyanatda vurğulanıb.
