GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ, Britaniya, Fransa və Almaniya nüvə proqramı ilə bağlı İrana xəbərdarlıq edib.
Onlar bildiriblər ki, İran Beynəlxalq Atom Enerjisi Agentliyi (BAEA) ilə əməkdaşlıqdan imtina etməyə davam edərsə, Rəhbərlər Şurası Tehranın təhlükəsizlik tədbirlərinin pozulması barədə məlumat verməyə hazır olmalıdır.
Həmin dörd ölkə birgə bəyanatda səbrlərinin sonsuz olmadığı barədə xəbərdarlıq ediblər.
Onların bəyanatında vurğulanıb ki, Tehranın BAEA ilə əməkdaşlığında konkret və texniki cəhətdən irəliləyiş əldə olunmazsa, Rəhbərlər Şurası bunu araşdırmalıdır.
Bəyanatda həmçinin deyilir: “Bu nöqtəyə qədər İran öz yolunu seçib. Gəlin açıq deyək, İran öz yolunu dəyişməsə, BAEA bunu seçmək məcburiyyətində qalacaq. Zaman İranın xeyrinə deyil”.
