ABŞ zülmə məruz qalan uyğur türklərinə görə Çinə sanksiya tətbiq edir

GADTB-nin Mətbuat Mərkəzinə daxil olan məlumata görə, ABŞ Senatı uyğur türklərinə qarşı zülm və təzyiq siyasəti ilə əlaqədar Çin məmurlarına sanksiyalar tətbiq edilməsi haqqında qətnamə layihəsini təsdiqləyib.

Qətnamə layihəsi Senata respublikaçı senator Marko Rubio tərəfindən təqdim edilib. Qətnamə yekdilliklə qəbul olunub.

Sənədin müəllifləri Dövlət Departamentindən Çində insan haqlarının pozulması barədə hesabat hazırlamağı da tələb ediblər.

Qeyd edək ki, Çin işğal etdiyi Şərqi Türküstanda uyğur türklərini bit millət kimi yox etmək məqsədilə bütün qeyri-insani üsullardan istifadə edir.