Aksios: ABŞ administrasiyasında Tehranın öhdəliklərə sadiqliyi ilə bağlı fikir ayrılığı var

GADTB: Axios nəşrinin yaydığı məlumata görə, Con Ratkliff ABŞ administrasiyasının daxili iclaslarında Prezident Donald Tramp və digər yüksək vəzifəli rəsmilərə xəbərdarlıq edərək bildirib ki, ABŞ kəşfiyyat qurumlarının qiymətləndirmələri İranın yekun razılaşma çərçivəsində Vaşinqtonun tələb etdiyi nüvə güzəştlərini qəbul etməyə hazır olması ilə bağlı ciddi şübhələr yaradır.

Məlumata əsasən, Ratkliff mümkün razılaşmaya ehtiyatla yanaşan yeganə yüksək vəzifəli şəxs deyil.

Aksios-un məlumatlı mənbələrə istinadən verdiyi xəbərə görə, ABŞ dövlət katibi Marco Rubio və müdafiə naziri Pete Hegseth də daxili müzakirələr zamanı mümkün razılaşma ilə bağlı narahatlıqlarını və suallarını ifadə ediblər.

Digər tərəfdən, ABŞ vitse-prezidenti C.D. Vens, Ağ Evin xüsusi nümayəndəsi Stiv Uitkoff və Cared Kuşner razılaşmanın irəli aparılmasını dəstəkləyən əsas fiqurlar sırasında göstərilir.

Aksios yazır ki, bu fikir ayrılıqları ABŞ administrasiyasının yüksək səviyyəli nümayəndələri arasında İranın mümkün öhdəliklərə nə dərəcədə əməl edəcəyi və yekun razılaşmanın uğur qazanma ehtimalı barədə tam konsensusun olmadığını göstərir.