GADTB Güney Azərbaycan Demokratik Türk Birliyi
ABŞ Prezidenti Donald Tramp, vitse-prezident Ceyms Devid Vens və İran parlamentinin spikeri Məhəmməd Bağır Qalibaf ABŞ və İran arasında memorandum imzalayıblar.
Bu barədə “Röyters” amerikalı rəsmilərə istinadla məlumat yayıb.
Məlumata görə, söhbət sənədin elektron imzalanmasından gedir.
Qeyd edək ki, ABŞ vitse-prezidenti Ceyms Devid Vens İranla sazişin bazar günü elektron şəkildə imzalandığını demişdi.
Vens h’m,inin jurnalistin “İranlılar 300 milyard dollarlıq yenidənqurma fonduna çıxış əldə edəcəklərini deyirlər. Doğrudur, yoxsa yalan?” sualına cavab olaraq deyib ki, “Öhdəliklərini yerinə yetirdikləri müddətcə, bu cür şeylərə çıxış əldə edə bilərlər”.
ABŞ-nin vitse-prezidenti əlavə edib: “Trampın əslində etmək istədiyi şey – təkcə son altı həftə ərzində deyil, həm də İran siyasətinin son bir il yarımında – bizi iranlılarla münasibətlərimizi kökündən dəyişdirə və onların heç vaxt nüvə silahına sahib olmamalarını təmin edə biləcəyimiz bir yerə çatdırmaq idi. Biz artıq həmin yerdə olduğumuzu hiss edirik.
İran öz öhdəliklərini yerinə yetirməyincə bir qəpik də pul ala bilməz. Bəhs etdiyimiz bu pul, mahiyyət etibarilə sanksiyaların yumşaldılmasıdır.
Biz onlara Amerika pulu vermirik — Amerikanın bir dolları belə İrana getməyəcək.
Əgər iranlılar normal bir ölkə olmaq, nüvə silahı proqramlarından imtina etmək və bütün Yaxın Şərqdə terror fəaliyyətlərini maliyyələşdirməyi dayandırmaq üçün lazım olan uzunmüddətli öhdəlikləri götürərlərsə, biz sanksiyaları əhəmiyyətli dərəcədə yumşaltmağa hazırıq.
Biz dünən müqaviləni rəqəmsal şəkildə imzaladıq və heç bir puldan söhbət getmir.
Bu dəyişməyəcək. Bu, davranışa əsaslanan bir şeydir”.
