Ana dilinə görə İranın həbs etdiyi Tohid Əmirəminin həbsindən 3 il keçir

GADTB-nin Mətbuat Mərkəzinə daxil olan məlumata görə, Ana dili uğrunda mədəni fəaliyyətinə görə İranın həbs etdiyi Tohid Əmirəminin həbsindən 3 il keçir.

Tohid Əmirəmini Beynəlxalq Ana Dili Günü ilə bağlı türkcə posterlər yaydığı üçün yaxalanıb və qondarma ittihamlarla uzun müddətli həbsə məhkum edilib. Hazırda o həbsinin 3-cü ilini zindanda keçirməkdədir.

Əmirəmini bundan öncə tibbi məzuniyyətə buraxıldığı zaman milli-mədəni fəallarla görüşündə demişdi: “Hər bir insanın mərdliyi, şücaəti, şüuru, inam gücü zindanın polad barmaqlıqlarını əridir, yetər ki özümüzə, yolumuza inamımız olsun”.

Qeyd edək ki, azərbaycanlı fəal Kiyanuş Aslani, Tövhid Əmir Əmini ilə birlikdə 2019-cu il fevralın 20-də Beynəlxalq Ana Dili Günü münasibəti ilə Tehranda poster payladıqları üçün irqçi fars rejimin təhlükəsizlik qüvvələri tərəfindən yaxalanmışdır.

Tehran Apellyasiya Məhkəməsinin 36-cı şöbəsi Tövhid Əmir Əminiyə “Sistem əleyhinə təbliğat aparmaq” ittihamından bəraət verib, lakin digər ittihamı ilə bağlı çıxarılan həbs qərarını olduğu kimi qüvvədə saxlayıb. Fəallar brilikdə 12 il yarım azadlıqdan məhrum edilib.

Tövhid Əmir Əmini 7.5 il, Kiyanuş Aslani isə 5 il həbsə məhkum edilib.

Bundan əlavə, Kiyanuş Aslani 2 il müddətinə bütün qruplara üzv olmaq hüququndan məhrum edilib.